काठमाडौँ । मधेसी आयोगले आर्थिक वर्ष २०८२/०८३ को वार्षिक प्रतिवेदन राष्ट्रपति रामचन्द्र पौडेलसमक्ष पेस गरेको छ। राष्ट्रपति भवन शीतल निवासमा आज आयोजित कार्यक्रममा आयोगका कार्यवाहक अध्यक्ष जीवक्ष साहले प्रतिवेदन राष्ट्रपति पौडेलसमक्ष पेस गरेका हुन्।
संवैधानिक व्यवस्थाअनुसार आयोगले आफ्नो वार्षिक कार्यसम्पादन, गतिविधि तथा प्रगतिको विवरण समेटिएको प्रतिवेदन राष्ट्रपतिसमक्ष पेस गरेको हो।
नेपालको संविधानको धारा २९४ मा संवैधानिक आयोगहरूले प्रत्येक आर्थिक वर्षमा आफूले गरेको कामकारबाहीको वार्षिक प्रतिवेदन राष्ट्रपति समक्ष पेस गर्नुपर्ने व्यवस्था छ। सोही संवैधानिक प्रावधानअनुसार मधेसी आयोगले आर्थिक वर्ष २०८२/०८३ को प्रतिवेदन पेस गरेको हो।
प्रतिवेदन पेस गर्दै आयोगले मधेसी समुदायको अधिकार, समावेशिता तथा संवैधानिक र कानुनी व्यवस्थाको कार्यान्वयनसँग सम्बन्धित आफ्ना गतिविधि र कार्यप्रगति राज्यको उच्च तहमा प्रस्तुत गरेको छ।
