काठमाडौं । सरकारले एक सचिवको सरुवा गर्दै एक सहसचिवलाई सचिवमा बढुवा गरी पदस्थापन गरेको छ। बुधबार बसेको मन्त्रिपरिषद् बैठकले ऊर्जा, जलस्रोत तथा सिँचाइ मन्त्रालयकी सचिव सरिता दवाडीलाई नेपाल ट्रस्टको कार्यालयमा सरुवा गर्ने निर्णय गरेको हो।
मन्त्रिपरिषद्को निर्णय सार्वजनिक गर्दै प्रधानमन्त्री तथा मन्त्रिपरिषद्को कार्यालयका प्रवक्ता सहसचिव हेमराज अर्यालले दवाडीको सरुवाबारे जानकारी दिएका हुन्।
त्यस्तै, बैठकले सहसचिव कालीप्रसाद पराजुलीलाई सचिवमा बढुवा गर्ने निर्णय गरेको छ। सचिवमा बढुवा भएका पराजुलीलाई अख्तियार दुरुपयोग अनुसन्धान आयोगमा पदस्थापन गरिएको सरकारका प्रवक्ता तथा शिक्षा तथा खेलकुद मन्त्री सस्मित पोखरेलले जानकारी दिए।
मन्त्रिपरिषद्को निर्णयसँगै प्रशासनिक नेतृत्वमा गरिएको उक्त फेरबदल कार्यान्वयनको प्रक्रियामा अघि बढेको छ।
