काठमाडौं । भूमि व्यवस्था, सहकारी तथा गरिबी निवारण मन्त्रालयले ३८ शाखा अधिकृतसहित राजपत्रांकित तृतीय श्रेणीका ७२ अधिकृतको एकैपटक सरुवा गरेको छ।
मन्त्रालयले असोज ७ गते सरुवासम्बन्धी निर्णय गर्दै सामान्य प्रशासन सेवातर्फका ३८ शाखा अधिकृत र सोही तहका ३४ प्राविधिक अधिकृतको सरुवा गरेको हो।
मन्त्रालयले सरुवासम्बन्धी विवरण सार्वजनिक गरेसँगै विभिन्न कार्यालय तथा निकायमा कार्यरत अधिकृतहरूको नयाँ जिम्मेवारी र कार्यस्थलसम्बन्धी विवरणसमेत सार्वजनिक भएको छ।
सरुवा हुनेमा सामान्य प्रशासन सेवाअन्तर्गतका शाखा अधिकृत तथा राजपत्रांकित तृतीय श्रेणीका विभिन्न प्राविधिक सेवाका अधिकृत रहेका छन्। मन्त्रालयका अनुसार प्रशासनिक आवश्यकता तथा सेवा व्यवस्थापनलाई ध्यानमा राखेर सरुवा गरिएको हो।
