इलाम । इलाममा घडेरी खन्ने क्रममा ढिस्कोले पुरिएर चार जनाको ज्यान गएको छ । चारैजनाको ढिस्कोले पुरेर ज्यान गएको जिल्ला प्रहरी कार्यालय इलामले जनाएको हो ।
इलामको सूर्योदय नगरपालिका–१० फिक्कलमा स्थानीय विनोद श्रेष्ठको घडेरी खार्ने क्रममा ढिस्कोले पुरिएर १८ देखि २० वर्ष उमेर समूहका बिहार बस्ने किसानगञ्जका तोसिव आलम, सोही ठाउँ बस्ने अजि मोदिन, मुजाफर आलम र अब्दुल आलमको ज्यान गएको प्रहरीले जनाएको छ ।
सूर्योदय नगरपालिका १० फिक्कलको छिपिटार जोडिने रिङरोड क्षेत्रमा घर बनाउने क्रममा माथिबाट आएको ढिस्कोले उनीहरुलाई पुरेको थियो ।
