देउखुरी। माननीय लुम्बिनी प्रदेशका मुख्य्मन्त्री डिल्लीबहादुर चौधरी, बेलायती राजदूत रोब फेन (Rob Fenn) र बेलायती सहयता निकायको विकास निर्देशक पिपा बर्ड बीच शिष्टाचार भेटवार्ता भएको छ । बिहीवार मुख्यमन्त्री कार्यालयमा शिष्टाचार भेटवार्ता भएको हो । 

भेटका क्रममा प्रदेशलाई संस्थागत र ब्यवस्थित बनाउन बेलायत सरकारले गर्न सक्ने सहयोग र सहकार्यको बारेमा छलफल भएको मुख्यमन्त्री कार्यालयले जनाएको छ । 

त्यस्तै प्रदेश सरकारले सुरु गरेको मुख्यमन्त्री आर्थिक विकास कार्यक्रमलाई प्रभाबकारी बनाउन आर्थिक तथा प्राबिधिक सहयोग गर्ने, प्रदेशको दोस्रो आबधिक योजना निर्माणमा सहयोग गर्ने, संस्कृती, पर्यटन विकास ,ऎतिहासिक सम्पदाको संरक्षण तथा प्रबर्द्धन लगायतका विषयमा महत्वपूर्ण छलफल भएको जनाइएको छ । 

यसैगरी पोषण,स्वास्थ्य र शिक्षा, लैगिङ्क समानता तथा सामाजिक समाबेसीकरण,शुसाशन र शासकीय प्रणाली सुधारका लागि बेलायत सरकारसँग सहयोग गर्न आग्रह गरिएको मुख्यमन्त्री कार्यालयले जनाएको छ ।