भारत । चारदिने भारत भ्रमणका लागि नयाँदिल्ली पुगेका प्रधानमन्त्री पुष्पकमल दाहाललाई इन्दिरा गान्धीअन्तर्राष्ट्रिय विमानस्थलमा भारत सरकारको तर्फबाट विदेश राज्यमन्त्री मिनाक्षी लेखीले स्वागत गरेकी छन् ।
भारतका लागि नेपाली राजदूत डा.शंकर शर्माले प्रधानमन्त्री दाहाललाई विदेश राज्यमन्त्री लेखी सहित विदेश मन्त्रालयका अधिकारीहरूले स्वागत गरेको जानकारी दिए । । सो क्रममा प्रधानमन्त्री दाहालको स्वागतका लागि विमानस्थल बाहिर सांस्कृतिक कार्यक्रम तथा झाँकी प्रदर्शन गरिएको थियो ।
यसअघि प्रधानमन्त्री दाहालको स्वागतको लागि भारतीय विदेशमन्त्री एस जयशंकर आउने चर्चा थियो । तर, उनी भारतीय प्रधानमन्त्री नरेन्द्र मोदीको आसन्न महिनामा हुने अमेरिका भ्रमणको तयारीको लागि अमेरिका गएका छन् ।
