रोल्पा।नौबहिनी गाउँपालिका प्युठानले आफ्नो पालिकामा उत्कृष्ट कार्यसम्पादन गर्ने १० जना कर्मचारीलाई सम्मान गरेको छ।आइतबारका दिन नौबहिनी गाउँपालिकाको गाउँसभाको १४ औं अधिवेशनको अवसर पारेर आर्थिक बर्ष २०७९/०८० को बार्षिक कार्यसम्पादनको आधारमा उत्कृष्ट कर्मचारी पुरस्कृत तथा सम्मान गरेको हो।
जसमा गाउँपालिकामा कार्यरत कर्मचारीहरु कविराज निरीक्षक,विष्णु थापा,सिनियर अहेव गोविन्द बहादुर केसी,कम्प्युटर अप्रेटर सरोज डाँगी,असिस्टेन्ट सव इन्जिनियर द्वय शान्ति कुमारी पुन मगर र दामोदर भण्डारी,अनमी द्वय अनिशा पुन मगर र निर्माण चौधरी,कार्यालय सहयोगी द्वय बसन्ता कुमारी केसी र मंगलसिंह रोका मगर लगायतलाई गाउँपालिकाले उत्कृष्ट कर्मचारीको रूपमा सम्मानित गरिएको बताइएको छ।
नौबहिनी गाउँपालिकाका अध्यक्ष दिल बहादुर थापा,नौबहिनी गाउँपालिकाका उपाध्यक्ष बिस्ना थापा र नौबहिनी गाउँपालिकाका प्रमुख प्रशासकीय अधिकृत शिवराज पौडेलले खादा,अबिर,सम्मान पत्र र नगद रु.१० हजार सहित सम्मान गर्नु भएको थियो।
अत्यन्त लगनशील,कर्तब्यनिष्ठ एवं ईमानदार भई तपाईलाई सुम्पिएको कार्यमा उत्कृष्ट कार्य सम्पादन गरि पु¥याउनु भएको विशेष योगदानको उच्च मुल्यांकन गर्दै नौबहिनी गाउँपालिकाको गाउँसभाको १४ औं अधिवेशनको अवसरमा आर्थिक बर्ष २०७९/०८० को उत्कृष्ट कर्मचारीको रूपमा नगद रु.१० हजार सहित स-धन्यवाद यो सम्मान-पत्र प्रदान गरिएको छ।
साथै पालिकाले तपाईहरुको उत्तरोत्तर प्रगति एवं उज्ज्वल भविष्यको कामना गर्दछौं सम्मान पत्रमा भनिएको छ।
