कास्की । गण्डकी प्रदेशका मुख्यमन्त्री सुरेन्द्रराज पाण्डेले विश्वासको मत प्राप्त गरेका छन् । बिहिवार बसेको प्रदेशसभा बैठकमा मुख्यमन्त्री पाण्डेले विश्वासको मत प्राप्त गरेका हुन् ।
उनलाई नेपाली कांग्रेसका २७ जना,नेकपा माओवादी केन्द्रका ७ जना र मनाङबाट चुनाव जितेर एकीकृत समाजवादी प्रवेश गरेका राजीव गुरुङले समेत गरी ३५ जना सभासदले विश्वासको मत दिएका हुन् । यस्तै उनका विपक्षमा नेकपा एमालेका २२ जना सांसदले मतदान गरेका छन् । भने राप्रपाका २ सांसद भने तटस्थ बसेका छन् ।
पाण्डे मुख्यमन्त्रीका रुपमा गत १४ गते नियुक्त भएका थिए ।
