काठमाडौं । राष्ट्रिय स्वतन्त्र पार्टी (रास्वपा) ले पार्टीको भावी राजनीतिक रणनीति र संगठन सुदृढीकरणका विषयमा छलफल गर्न आज सचिवालय बैठक बोलाएको छ।
पार्टी सभापति रवि लामिछानेको अध्यक्षतामा बस्ने बैठकमा मुलुकको समसामयिक राजनीतिक अवस्था, पछिल्ला राजनीतिक घटनाक्रम र पार्टीका आगामी योजनाबारे छलफल हुने जनाइएको छ।
रास्वपाका प्रवक्ता जगदीश खरेलका अनुसार बैठक आज बिहान ११ बजे काठमाडौंको वनस्थलीस्थित पार्टी केन्द्रीय कार्यालय ‘घन्टीघर’ मा बस्नेछ।
बैठकमा पार्टीको भावी रणनीति तय गर्नुका साथै संगठनलाई थप प्रभावकारी र व्यवस्थित बनाउने विषयमा समेत छलफल हुने बताइएको छ।
पछिल्लो राजनीतिक परिस्थितिबीच बस्न लागेको सचिवालय बैठकलाई रास्वपाको आगामी राजनीतिक तथा सांगठनिक कार्यदिशा तय गर्ने महत्वपूर्ण बैठकका रूपमा हेरिएको छ।
