काठमाडौं । यस वर्षको दशैंमा नेपाल राष्ट्र बैंकले सुकिला नोट साट्ने भएको छ ।
राष्ट्र बैंकले आइतबारदेखि सुकिला नोट वितरण गर्न थालेको छ । हरेक वर्ष दशैँका लागि नयाँ नोट साट्दै आएको नेपाल राष्ट्र बैङ्कले यस पटक सुकिला नोट मात्र दिने भएको हो ।
आइतबारदेखि सर्वसाधारणले नेपाल राष्ट्र बैंकको कार्यालय र वाणिज्य बैंकका तोकिएका शाखा कार्यालयबाट सुकिला नोट साट्न सक्नेछन् ।
दशैँ–तिहार लक्षित नयाँ नोट सटही सुविधा प्रदान गर्दै आएको राष्ट्र बैङ्कले खर्चको व्यवस्थापन गर्न नयाँ नोटलाई बन्द गरेको जनाएको छ ।
दशैँ–तिहारका लागि ५, १० २०, ५० र १०० दरका नयाँ नोट सटहीको सुविधा दिँदै आएको राष्ट्र बैङ्कले यस पटक सुकिला नोट सटहीको सुविधा दिनेछ ।
