रोल्पा।रोल्पाको रुन्टिगढी गाउँपालिका -४ का वडाध्यक्ष टंक बहादुर पुनको उपचारका क्रममा मृत्यु भएको छ । वडाध्यक्ष पुनलाई स्वास्थ्यमा समस्या देखिएका पछि मंगलबार राप्ती स्वास्थ्य बिज्ञान प्रतिस्ठान घोराही दाङमा भर्ना गरिएको थियो ।
पुनको आज (बुधबार) मध्याह्न करिव १२:४५ बजे उपचारका क्रममा मृत्यु भएको उनका आफन्तले जानकारी दिएका छन । स्क्रब टाइफसका कारण बिरामी भएका अध्यक्ष पुनलाई अस्पतालमा भर्ना गरिएको थियो । ३९ वर्षीय पुन नेपाली कांग्रेसबाट निर्वाचित वडाध्यक्ष हुन्। पुनको मृत्यु भएपछि कांग्रेस रोल्पाले समेत दुःख व्यक्त गरेको छ।
कांग्रेस जिल्ला सचिव शेरबहादुर थापाले शोक व्यक्तव्य जारी गर्दै एउटा होनहार, इमान्दार र लोकप्रिय स्थानीय नेता गुमाएको बताएका छन्।
