काठमाडौं । अमेरिकी राष्ट्रपति डोनाल्ड ट्रम्पले मेक्सिको र क्यानाडामाथि आयातित वस्तुमा २५ प्रतिशत ट्यारिफ लगाएका छन् । ह्वाइट हाउसले यसको पुष्टि गरेको छ ।
ट्रम्पले चीनमाथि १० प्रतिशत कर थुपारेका छन् । तर, क्यानाडाबाट आयात हुने विद्युतमा भने १० प्रतिशत कम ट्यारिफ लाग्ने बताइएको छ । ह्वाइट हाउसले अमेरिकामा फेन्टेनाइल संकटसँग जुध्नका लागि ट्यारिफ लागू गर्न लागिएको बताएको छ । क्यानेडेली वस्तुहरुमाथिको ट्यारिफ मंगलबारबाट लागू हुने भनिएको छ ।
यसको जवाफमा क्यानाडाका निवर्तनमा प्रधानमन्त्री जस्टिन ट्रुडोले एक घोषणा गर्ने तयारी गरेका छन् । उता, मेक्सिकोका राष्ट्रपति क्लाउडिया शिनबामले शुक्रबारै अमेरिकाद्वारा ट्यारिफ थोपर्ने काम भए आफु ‘चिसो दिमाग’ले अघि बढ्ने प्रतिक्रिया दिएका थिए ।
