काठमाडौँ । सुनको मुल्य आज एकैदिन तोलामा एक हजार चार सय रुपैयाँले घटेको छ ।
सुनको मुल्य आज तोलामा एक हजार चार सय रुपैयाँले घटेर एक लाख ९० हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुनको मुल्य तोलाको एक लाख ९२ हजार दुई सय रुपैयाँमा कारोबार भएको थियो । कारोबार भएको हप्ताको पहिलो दिन वैशाख २१ गते आइतबार सुनको मुल्य तोलाको एक लाख ८४ हजार एक सय रुपैयाँमा कारोबार भएको थियो । कारोबार भएको पहिलो र अन्तिम दिनको तुलना गर्दा सुनको मुल्य तोलामा ६ हजार सात सय रुपैयाँले बढी हो ।
यस्तै आज चाँदीको मुल्य भने सामान्य बढेको छ । चाँदीको मुल्य आज पाँच रुपैयाँले बढेर एक हजार नौ सय ६० रुपैयाँ कायम भएको महासङ्घले जनाएको छ । हिजो चाँदीको मुल्य एक हजार नौ सय ५५ रुपैयाँ कायम भएको थियो ।
