काठमाडौं । नेपाल धितोपत्र बोर्डले बन्दीपुर केबलकार एन्ड टुरिजम लिमिटेडलाई प्रारम्भिक सार्वजनिक निष्कासन (IPO) गर्न अनुमति दिएको छ। बिहीबार बोर्डले कम्पनीलाई आईपीओ जारी गर्न स्वीकृति दिएको हो।
यस स्वीकृतिपछि कम्पनीले १०० रुपैयाँ अंकित दरमा कुल ५८ लाख ६० हजार कित्ता साधारण शेयर सार्वजनिक गर्नेछ। कम्पनीको आईपीओ बिक्री प्रबन्धकको जिम्मेवारी नेपाल एसबीआई मर्चेन्ट बैंकिङ लिमिटेडले पाएको छ।
आगामी दिनमा सर्वसाधारणले बन्दीपुर केबलकारमा लगानी गर्ने अवसर प्राप्त गर्नेछन्, जसले पर्यटन र केबलकार क्षेत्रमा थप उत्साह ल्याउने विश्वास गरिएको छ।
