काठमाडौँ । वैदेशिक रोजगारीको नाममा ठगी र मानव बन्धक बनाउने गिरोहको अर्को उदाहरण सामाखुशीस्थित गुरुङ म्यानेजमेन्टसँग जोडिएको छ। अस्मिता बस्नेत र अंकिता चौधरीलाई बुल्गेरिया पठाइदिने भन्दै बिचौलिया राजकुमार भण्डारीले म्यानपावर कार्यालयमा ४ लाख रुपैयाँ लिएका थिए । तर, उनीहरूलाई भारत पुर्याएर झण्डै एक महिना बन्धक बनाएर राखिएको थियो ।
पीडितहरूले नेपाल फर्किएपछि प्रहरीमा निवेदन दिएका छन् । अनुसन्धानमा मानव बन्धक र ठगीका आरोप पुष्टि भएमा मुद्दा थप गम्भीर बन्ने प्रहरी स्रोतको भनाइ छ । यसअघि पनि यस्तै घटनामा म्यानपावर कम्पनीका सञ्चालकहरू पक्राउ परेका छन् ।
