काठमाडौँ । डिजिटल रूपान्तरण र साइबर सुरक्षामा अग्रणी परामर्शदाता कम्पनी जेनेस सलुशनले अमेजन वेब सर्भिसेज (एडब्लुएस) को प्रिमिएर टिएर सर्भिसेज पार्टनर उपाधि प्राप्त गर्दै नेपालकै पहिलो कम्पनीको रुपमा ऐतिहासिक सफलता हासिल गरेको छ ।
विश्वभरका १ लाख ४० हजारभन्दा बढी एडब्लुएस साझेदारहरुमध्ये शीर्ष १ प्रतिशतमा स्थान बनाउँदै यो उपलब्धि हासिल गर्ने जेनेस सलुशन नेपालको एकमात्र कम्पनी बनेको हो ।
कम्पनीका सीईओ अञ्जनी फुयाँलका अनुसार, “यो उपलब्धि केवल हाम्रो कम्पनीको मात्र होइन, देशकै गौरवको विषय हो । अब हामी नवप्रवर्तनको नेतृत्व गर्दै नेपाललाई विश्वव्यापी प्रविधि मञ्चमा चिनाइरहेका छौं ।”
एडब्लुएसको प्रिमिएर टिएर मान्यता प्राप्त गरेसँगै जेनेसले आफ्ना ग्राहकलाई एडब्लुएसको उच्चतम स्रोत, विशेषज्ञता, रोडम्यापमा संलग्नता, प्रत्यक्ष सहयोग तथा गुणस्तरीय सेवा दिन सक्नेछ ।
कम्पनीका प्रमुख सूचना सुरक्षा अधिकृत निरञ्जन कुँवरले यसलाई नवप्रवर्तनप्रतिको प्रतिबद्धता र विश्वस्तरीय समाधान दिने क्षमताको प्रमाण बताए ।
एसिया, अफ्रिका, युरोप र अमेरिकामा सेवा दिँदै आएको जेनेस सलुशनले क्लाउड माइग्रेसन, समाधान डिजाइन र व्यवस्थापनमा ग्राहकलाई सहायता गर्दै आएको छ । चौधरी ग्रुप, आइएमएस सफ्टवेयर, ग्रो बाइ डाटा लगायत संस्थाहरूले जेनेसको सेवा र दक्षताको प्रशंसा गरेका छन् ।
कम्पनीको भनाइमा, “अब जेनेस सलुशन केवल क्लाउड सेवा प्रदायक मात्र होइन, नेपालबाट विश्वव्यापी डिजिटल रूपान्तरणको अगुवाई गर्ने एक नवप्रवर्तनात्मक संस्था हो ।”
