बुटवल । अर्थमन्त्री डा.प्रकाशशरण महतले अहिलेको बजेटले दिर्घकालिन रुपमा राम्रो नतिजा ल्याउने बताउनुभएको छ । सोमवार नेपाल प्रेस युनियन रुपन्देहीले आयोजना गरेको पत्रकार सम्मेलनमा अर्थमन्त्री डा.प्रकाशशरण महतले सरकारले ल्याएको नयाँ वजेटले विकासका लगि दिर्घकालिन नतिजा ल्याउने बताउनुभयो ।
सम्मेलनमा बोल्दै अर्थमन्त्री महतले नयांँ मौद्रिक नीतिले देशमा सुस्ताएको अर्थतन्त्रलाई चलायमान गराउने र समस्या समाधान हुने दावी गर्दै सरकारले सुशासनलाई केन्द्रमा राखेर काम गरिरहेको जिकिर गर्नुभयो ।
उहाँले सुन प्रकरण लगायतका भष्ट्रचारका मुद्धाहरुलाई जरैदेखी पुगेर अनुसन्धान गरिरहेको दाबी गर्दै अर्थमन्त्री महतले सूचना प्राप्त भएका कारण नै अवैध सुनलाई नियन्त्रणमा लिएको र आगामी दिनमा भन्सारमा देखिने कमजोरी हटाउन प्रविधिको विस्तारमा ध्यान दिईने बताउनुभयो ।
कांग्रेसका प्रवक्ता समेत रहेका अर्थमन्त्री डा. महतले नेपाली कांग्रेसको केन्द्रीय समितिको बैठकको प्रत्यक्ष प्रसारण गरेर नयाँ प्रयोग गरेको बताउनुभयो । उहाँले प्रत्यक्ष प्रसारणले कांग्रेसको यथार्थता जनताले बुझेको बताउनुभयो ।
