काठमाण्डाै – हिजो र अस्ति घटेको शेयर बजार आज बढेको छ । दशैँ बिदाअघि शेयर बजार परिसूचक नेप्से आज ११ दशमलव ५१ अङ्कले बढेर २ हाजर ६ सय ६३ दशमलव ५१ विन्दुमा पुगेको छ ।
आज होटल, अन्य र व्यापार बाहेक सबै समूहको शेयर बढेकोमा जीवन बीमा समूहको शेयर सय अङ्कभन्दा धेरैले बढेको छ । आज १ सय ७० वटा कम्पनीको शेयर बढ्दा ६९ वटाको घटेको छ । यस्तै १२ वटाको घटेको छ ।
आज ग्लोबल आईएमई समुन्नति योजना–२ को शेयर १० प्रतिशतले बढेको छ । समग्रमा बजार बढेको दिन सिकलेस हाइड्रोपावर कम्पनीको शेयर भने १० प्रतिशतले घटेको छ ।
आज नेप्से बढे पनि कारोबार रकम भने घटेको छ । गएको बिहीवार ३ अर्ब २६ करोडको कारोबार भएकोमा आज ३ सय १४ वटा कम्पनीको ७५ लाख ११ हजार कित्ता शेयर २ अर्ब ९३ करोड रुपैयाँमा किनबेच भएको छ ।
यस वर्षको दशैँ बिदा भोलिदेखि शुरू हुँदैछ । अब शेयर बजार असोज १९ गते आइतवार खुल्नेछ ।
