बुटवल । राष्ट्रिय स्वतन्त्र पार्टी (रास्वपा) रुपन्देही जिल्ला अधिवेशन निर्वाचन समितिले यही मिति २०८३ जेठ २४ गते सम्पन्न जिल्ला अधिवेशनको अन्तिम चुनावी नतिजा सार्वजनिक गरेको छ। सार्वजनिक विवरण अनुसार रुपन्देही जिल्ला समितिको नेतृत्व चयनका लागि भएको कडा प्रतिस्पर्धात्मक निर्वाचनबाट नयाँ कार्यसमिति निर्वाचित भएको हो।
निर्वाचन समितिका अनुसार अत्यधिक महत्वका साथ हेरिएको जिल्ला सभापति पदमा २९६ मत प्राप्त गर्दै महेन्द्र प्रसाद उपाध्याय विजयी हुनुभएको छ, भने उहाँका निकटतम प्रतिस्पर्धी आशिष न्यौपानेले १४३ मत प्राप्त गर्नुभएको छ।
यसैगरी कार्यसमितिको उप-सभापति पदमा २३८ मतका साथ दुर्गा प्रसाद खनाल निर्वाचित हुनुभएको छ। मुख्य पदहरू मध्ये सचिवमा २३७ मत प्राप्त गरी ज्ञानेन्द्र पाण्डे र सह-सचिवमा २७९ मतका साथ बाबुराम अर्याल विजयी हुन सफल हुनुभएको छ।
जिल्ला कार्यसमिति सदस्यहरूतर्फ खुल्ला तथा आरक्षित कोटाबाट शर्मिला आचार्य (३२२ मत, महिला), राज बहादुर क्षेत्री (२४० मत), अनिता पन्थी (२६७ मत, महिला), रामनाथ हरिजन (१७२ मत, दलित) र जमुना सापकोटा (१६० मत, महिला) विजयी हुनुभएको छ।
क्षेत्रीय संगठनतर्फको नेतृत्व चयनमा क्षेत्र नं. १ को संयोजकमा खडानन्द पौडेल, क्षेत्र नं. २ को संयोजकमा विष्णु प्रसाद पौडेल, क्षेत्र नं. ३ को संयोजकमा छविलाल शर्मा, क्षेत्र नं. ४ को संयोजकमा विश्वनाथ शर्मा र क्षेत्र नं. ५ को संयोजकमा शेषकान्त गैरे (समिर) निर्विरोध तथा निर्वाचित हुनुभएको छ।
निर्वाचन समितिले नवनिर्वाचित सम्पूर्ण पदाधिकारी तथा सदस्यहरूको विवरण सार्वजनिक गर्दै यसै सूचनामार्फत सबै सरोकारवालाहरूलाई जानकारी गराएको छ।
