पाल्पा । जिल्ला प्रहरी कार्यालय पाल्पाले जबरजस्ती करणी गरेको अभियोगमा एक जनालाई पक्राउ गरेको छ । प्रहरीले पाल्पा तानसेन–-८,पाँडेखर्क बस्ने २२ वर्षीय बिशाल ठडराईलाई जबरजस्ती करणी गरेको अभियोगमा पक्राउ गरेको हो ।
ठडराईले पाल्पा तानसेन बस्ने ११ वर्षीय नाबालिकालाई जबरजस्ती करणी गरेको तथा सोही दिन पाल्पा तानसेन बस्ने १३ बर्षकी नाबालिकालाई जबरजस्ती करणीको प्रयास गरेको भनी पिडित नावालिकाको आमाहरुले जिल्ला प्रहरी कार्यालय पाल्पामा दिएको लिखित जाहेरीका आधारमा पक्राउ गरिएको प्रवक्ता तथा सुचना अधिकारी प्रहरी नायव उपरीक्षक वीरेन्द्र थापाले जानकारी दिनुभयो ।
ठडराईलाई नियन्त्रणमा लिई थप अनुसन्धान कार्य भईरहेको जिल्ला प्रहरी कार्यालय पाल्पाले जनाएको छ ।
