काठमाडौं । राष्ट्रिय स्वतन्त्र पार्टी (रास्वपा)ले गृहमन्त्री सुधन गुरुङसहित ९ जनालाई केन्द्रीय सदस्यमा मनोनीत गरेको छ। शुक्रबार बसेको पार्टीको केन्द्रीय समिति बैठकले सभापति रवि लामिछानेको प्रस्तावमा उनीहरूलाई केन्द्रीय सदस्यमा मनोनीत गरेको हो।
केन्द्रीय सदस्यमा मनोनीत हुनेमा गृहमन्त्री गुरुङसँगै पूर्वाधार विकासमन्त्री सुनिल लम्साल र सामान्य प्रशासनमन्त्री प्रतिभा रावल रहेका छन्। त्यस्तै पुरुषोत्तम यादव, बसुमाया तामाङ, डा. मनोहर प्रधान, सुरेन्द्र चौधरी, डा. भक्तबहादुर राई र भूपदेव शाहलाई पनि केन्द्रीय सदस्यमा मनोनीत गरिएको छ।
पार्टीको केन्द्रीय समितिमा सरकारमा रहेका मन्त्रीसहित विभिन्न क्षेत्रका व्यक्तिहरूलाई समेट्दै रास्वपाले आफ्नो संगठनात्मक संरचनालाई थप विस्तार गरेको हो। पार्टीको पछिल्लो राजनीतिक गतिविधि र संगठन विस्तारलाई महत्व दिइरहेका बेला भएको यो मनोनयनलाई आगामी दिनमा रास्वपाको संगठन तथा राजनीतिक अभियानलाई थप प्रभावकारी बनाउने प्रयासका रूपमा हेरिएको छ।
विशेषगरी सरकारमा रहेका मन्त्रीहरूलाई पार्टीको केन्द्रीय संरचनामा थप सक्रिय बनाउँदै सरकार र पार्टीबीचको समन्वय बलियो बनाउने दिशामा पनि यो निर्णय महत्वपूर्ण हुने देखिएको छ।
