काठमाडौं । नेपाली कांग्रेसको १५औँ महाधिवेशनप्रति विभिन्न देशका राजनीतिक दल तथा नेताहरूले शुभकामना व्यक्त गरेका छन्। भारतको सत्तारूढ भारतीय जनता पार्टी (भाजपा)का अध्यक्ष नितिन नवीन तथा प्रमुख प्रतिपक्षी दल इन्डियन नेसनल कांग्रेसका अध्यक्ष मल्लिकार्जुन खर्गेले कांग्रेसको महाधिवेशन सफलताको शुभकामना दिएका छन्।
त्यस्तै, चिनियाँ कम्युनिस्ट पार्टी, सोसलिस्ट इन्टरनेसनलका अध्यक्ष तथा स्पेनका प्रधानमन्त्री पेड्रो सान्चेजले पनि महाधिवेशन सफलताको शुभकामना पठाएका छन्।
एसिया र युरोपका विभिन्न राजनीतिक दल तथा संस्थाबाट समेत कांग्रेसलाई शुभकामना प्राप्त भएको कांग्रेसले जनाएको छ। इन्टरनेसनल काउन्सिल अफ एसियन पोलिटिकल पार्टीज (आईक्याप) स्ट्यान्डिङ कमिटी, बंगलादेशका प्रधानमन्त्री तारिक रहमान तथा बेलायतको लेबर पार्टीले पनि महाधिवेशन सफलताको कामना गरेका छन्।
कांग्रेसले ‘परम्पराको सम्मान र परिवर्तनको संकल्प : समुन्नत नेपालका लागि सबल कांग्रेसको विकल्प’ भन्ने नारासहित आइतबारदेखि १५औँ महाधिवेशन सुरु गरेको हो। महाधिवेशन असोज २२ गतेसम्म सञ्चालन हुनेछ।
