काठमाडौँ । नेपाली कांग्रेसको १५औँ महाधिवेशनअन्तर्गत नयाँ केन्द्रीय कार्यसमिति चयनका लागि हुने मतदानमा सहभागी हुन महाधिवेशन प्रतिनिधिहरू बिहानैदेखि लामबद्ध भएका छन्। पार्टीको नयाँ नेतृत्व चयन गर्ने महत्त्वपूर्ण प्रक्रियामा सहभागी हुन प्रतिनिधिहरू बिहानैदेखि मतदानस्थलमा पुगेका हुन्।
नजिकिँदो दसैँलाई ध्यानमा राख्दै टाढा–टाढाबाट आएका प्रतिनिधिहरू मतदान गरेर समयमै घर फर्किने योजनामा छन्। मतदानमा सहभागी भएपछि दसैँ मनाउन घर पुग्ने सोचका साथ प्रतिनिधिहरूले बिहानैदेखि आफ्नो पालो कुरिरहेका छन्।
महाधिवेशनले पार्टीको आगामी नेतृत्व चयन गर्ने भएकाले मतदानलाई महत्त्वका साथ हेरिएको छ। मतदान सम्पन्न भएपछि आजै मतगणना सुरु गरिने निर्वाचन समितिले जनाएको छ।
