अर्घाखाँची। नक्कली भुटानी शरणार्थी प्रकरणमा संलग्नलाई कारबाहीको माग गर्दै अर्घाखाँचीमा काँग्रेसले विरोध सहित प्रदर्शन गरेको छ । नेपाली काँग्रेसका भातृसंगठनहरु नेपाल तरुण दल, नेपाल विद्यार्थी संघ, महिला संघ, नेपाल दलित संघ, नेपाल भुतपुर्व सैनिक संघले संयुक्त रुपमा सहभागी भएर विरोध प्रदर्शन गरेको हो ।
"मान्छे बेच्न तिमलाई कस्ले सिकायो,नारायण हरी हरी टोपबहादुरको रुप थरी थरी,ठुला माछा छोपिदेउ,जेलभित्र कोचीदेउ" लगायतका नारा र पर्चा सहित प्रदर्शनमा उत्रिएका थिए ।
नक्कली भुटानी शरणार्थी प्रकरणका पक्राउ परेका पूर्व उपप्रधानमन्त्री तथा नेकपा एमालेको सचिव टोपबहादुर रायमाझी, पुर्व गृहमन्त्री तथा काँग्रेसका केन्द्रीय सदस्य बालकृष्ण खाँण सहित प्रकरणमा मुछिएका सबैलाई तत्काल कानुनको कठघरामा ल्याउन आन्दोलन गरिएको तरुण दलका जिल्ला अध्यक्ष नारायण खड्काले बताए ।
