काठमाडौं । नेपाली कांग्रेसको महिला महामन्त्री पदमा डा. डिला संग्रौला (पन्त) र महालक्ष्मी उपाध्याय (डिना) बीच कडा प्रतिस्पर्धा देखिएको छ। सानेपामा जारी मतगणनाको पछिल्लो परिणामअनुसार डिला संग्रौला ३१ मतले अगाडि रहेकी छन्।
हालसम्मको गणनामा डिलाले ९८३ मत प्राप्त गरेकी छन् भने डिनाले ९५२ मतसहित उनलाई पछ्याइरहेकी छन्। दुई उम्मेदवारबीचको मतान्तर निकै कम रहेकाले प्रतिस्पर्धा थप रोचक बनेको छ।
महिला महामन्त्री पदकी अर्की उम्मेदवार रिता खनालले २५१ मत प्राप्त गरेकी छन्। मतगणना जारी रहेकाले अन्तिम नतिजाका लागि थप प्रतीक्षा गर्नुपर्नेछ।
