काठमाडौं । नेकपा संयुक्तका नेता तथा पूर्वसांसद विजय पौडेलको निधन भएको छ। उनको आज निधन भएको हो।
कीर्तिपुर अस्पतालका कार्यकारी निर्देशक डा. किरण नकर्मीले पौडेललाई अस्पताल ल्याउँदासम्म निधन भइसकेको जानकारी दिएका छन्। उनले सञ्चारमाध्यम सेतोपाटीसँग कुरा गर्दै पौडेलको निधन भएको पुष्टि गरेका हुन्।
पौडेल वामपन्थी नेता मोदनाथ प्रश्रितका छोरा हुन्। उनी पछिल्लो समय नेकपा संयुक्तमा सक्रिय थिए। त्यसअघि उनी नेकपा एकीकृत समाजवादी र नेकपा एमालेमा आबद्ध रहेर राजनीतिक गतिविधिमा संलग्न थिए।
वामपन्थी राजनीतिमा सक्रिय रहेका पौडेलको निधनले राजनीतिक वृत्तमा शोक छाएको छ।
