शिव राज खनाल,दाङ । मानव र वृक्षबीचको सम्बन्ध नङ मासु जस्तै सदियौ कालदेखि अपरिहार्य छ। वृक्ष विना सजिव वस्तुहरुको जीवन सम्भव छैन् । वनजंगलको संरक्षण र पर्वद्धनमा पछिल्लो समय चरम फडानी गर्ने क्रम बढ्दै गएपछि जलवायु परिवर्तनको असर नेपालसहित विश्वका हरेक देशमा देखा पर्न थालेको छ । जसका कारण गर्मीमा अत्यधिम तापक्रम हुने, चिसोयाममा जनजीवन प्रभावित हुनेगरी चिसो र बर्षायामको समयमा पानी नपर्ने जस्ता असरहरु देखा पर्न थालेका छन् ।
पर्यावरणलाई जोगाउन दाङको देउखुरीमा रहेक माेबाईल तथा ईलेक्ट्राेनिक्स ब्यवसायी संघ लमहीले पर्यटकीय क्षेत्र कुलपानीमा बृक्षाराेपण तथा डस्टबिन बितरण कार्यक्रम सम्पन्न गरेकाे छ । संघले बन क्षेत्रलाई हराभरा बनाउने उद्देश्यले दाङकाे गढवा गाउँपालिका वडा न-१ मा रहेकाे कुलपानी पर्यटकिय क्षेत्रमा बृक्षारोपण गरेको हो ।
"हरित पार्कको फोहोर ब्यबस्थापन र पार्कको साैन्दर्यतामा थप हाेस् , सार्बजनिक क्षेत्रको संरक्षणमा सबैले हातेमालो गर्नुपर्छ भन्ने सन्देश दिन बृक्षाराेपण तथा डस्टबिन बितरण गरिएकाे संघका अध्यक्ष जागेश्वर बसेलले बताउनुभयो ।
उहाँले भन्नुभयो-पर्यटकिय नगरी बनाउन हामी व्यवसायिले सक्ने सम्मकाे सहयाेग गर्ने बताउँदै अध्यक्ष बसेलले देउखुरीकाे पर्यटकीय क्षेत्रमा माेबाईल तथा ईलेक्ट्राेनिक्स ब्यबसायी संघ हरेक कुरामा सकारात्मक रही काम गर्दै आएकाे र आगामी दिनमा गर्ने छौं ।
विभिन्न प्रजातिकाे रूख तथा फुलहरू गरि २५ प्रजातिका विरुवा रोपिएको संघका उपाध्यक्ष जितेन्द्र गुप्ताले जनाउनुभयो । " हामीले एउटा सन्देश पनि दिएका छौं, सबैले यसैगरी हाम्रा क्षेत्रका पर्यटकिय क्षेत्रमा टेवा पुर्याउन हातेमालो गर्ने हो भने हराभरा संगै प्रचारप्रसारमा महत्त्वपूर्ण भुमिका निर्बाह हुन्छ "- गुप्ताले भन्नुभयो ।
संघले विगतमा बृद्धाआश्रममा सहयाेग, रक्तदान कार्यक्रम, तत्काल रगत आवश्यक परेका व्यक्तिहरुका लागि रक्तदान मोबाइल टोली र विपन्न परिवारमा सहयाेग समेत गर्दै आएकाे संघका महासचिव राजेश कुमार गुप्ताले बताउनु भएको छ ।
गढवा गाउँपालिका–१ स्थित कुलपानी हरित पार्क पछिल्लो समय आन्तरिक पर्यटकको रोजाइको केन्द्र बन्दै गएको छ । गर्मीका कारण जनजीवन प्रभावित भइरहेका बेला कुलपानी हरित पार्कमा घुम्न र वनभोजका लागि आउनेहरुको भीड लाग्ने गरेको स्थानीयहरु बताउँछन् । पार्क १२ हेक्टर क्षेत्रफलमा फैलिएको धार्मिक एवं सिमसार क्षेत्रका रूपमा बिस्तार हुँदै आएको छ ।
