रुकुम पूर्व।नेपाल प्रेस युनियन रुकुम पुर्व शाखा अध्यक्षमा चेतकुमार विसी निर्वाचित हुनु भएको छ।
शनिबार सदरमुकाम रुकुमकोट स्थित होटेल लेक सिटिमा भएको प्रथम जिल्ला अधिवेशनबाट विसी सर्वसहमत अध्यक्षमा निर्वाचित हुनु भएको हो।
प्रथम जिल्ला अधिवेशनबाट उपाध्यक्षमा बसम मल्ल र पुजा बुढाथोकी चयन हुनुभएको छ।यस्तै सचिवमा प्रभा बस्नेत छनोट हुँदा सहसचिबमा उषा थापा र काेषाध्यक्ष सामना बुढाथोकी छनोट हुनु भएको प्रेस युनियन रुकुम पुर्वले जनाएको छ।
ऐतिहासिक प्रथम जिल्ला अधिवेशनबाट १३ सदस्य जिल्ला कार्य समिति छनोट गरिएको नव निर्वाचित अध्यक्ष विसीले बताउनुभयो।उहाँका अनुसार सदस्यहरुमा दिलीप चन्द,कृतिमा बिसी,अनु हमाल, प्रमिला बिक,शिव बुढाथोकी,सूचना बुढा र लिङकल गौतम निर्वाचित हुनुभएको छ।
सबै पदाधिकारी र सदस्यहरु निर्विरोध निर्वाचित हुनुभएको छ।रुकुम पुर्व छुट्टै जिल्ला घोषणा भएको लामो समय पछि प्रेस युनियन गठन भएको हो।
