कपिलवस्तु । नेपाली सेनाको आयोजनामा रास्ट्रपति चुरे तराई मधेश संरक्षण विकास कार्यक्रम अन्तरगत गैडहवा ताल पुनः निर्माण गरि नेपाली सेनाद्वारा गाउँपालिकालाई हस्तान्तरण कार्यक्रम सम्मपन्न भएको छ ।
रास्ट्रपति चुरे तराई मधेश संरक्षण बिकास समितिका अध्यक्ष किरण पौडेलको अध्यक्षता र कालि भक्तिगण (इ) भैरहवाका रथि सिताराम खड्काको प्रमुख आतिथ्यतामा भएको कार्यक्रममा बोल्दै प्रमुख अतिथि रथि खड्काले ताल संरक्षणले पर्यटन प्रबर्द्धन संगै जैविक विविधता पनि बढेर जाने र यस्ता खाले ठुला जल संरक्षणले पानीको सतहलाइ मात्रै नभै सिङ्गो वातावरणलाइ फाइदा हुने बताउनु भयो ।
उहाँले गैडहवा गाउँपालिकाको सम्वृद्धि र विकासका लागी ताल संरक्षण संगै प्रबर्द्धनमा लाग्न अनुरोध गर्नुभयो। ताल गैडहवा गाउँपालिका वडा नम्बर ४ मा अबस्थित रहेको छ। रास्ट्रपति चुरे तराई मधेश संरक्षण बिकास समितिबाट आर्थिक बर्ष २०७९/८० को स्वीकृत बजेटबाट नेपाली सेनाले पुनः निर्माण गरी गैडहवा ताल संरक्षण समितिलाई हस्तान्तरण गरेको हो।
कार्यक्रममा गैडहवा गाउँपालिका उपाध्यक्ष माधुरि जसवाल प्रमुख प्रसासकीय अधिकृत, नेपालि सेनाका अधिकृत वडाध्यक्षहरु लगायतको उपस्थिति रहेको थियो।
