काठमाडौं । नेपाली बजारमा मंगलबारदेखि सुनको मूल्य निरन्तर ओरालो लागिरहेको छ । नेपाल सुन चाँदी व्यवसायी महासंघका अनुसार मंगलबारदेखि आज शुक्रबार सम्म सुन प्रतितोलामा ४ हजार ४ सय घटेको हो ।
गत मंगलबार छापावाला सुनको मूल्य प्रतितोला चार सय रुपैयाँले घटेको सुन बुधबार प्रतितोला आठ सय रुपैयाँ घटेको थियो । त्यस्तै बिहीबार प्रतितोला एक हजार चार सय रुपैयाँ घटेको सुनको शुक्रबार प्रतितोला आठ सय रुपैयाँ घटेको हो ।
योसँगै बितेको चार दिनमा सुनको मूल्य प्रतितोला तीन हजार चार सय रुपैयाँले घटेर आज छापावाल सुन प्रतितोला एक लाख आठ हजार आठ सय रुपैयाँमा कारोबार भईरहेको छ । त्यस्तै आज तेजाबी सुन प्रतितोला एक लाख आठ हजार तीन सय रुपैयाँमा कारोबार भइरहेको महासंघले जनाएको छ ।
त्यसैगरी,आज चाँदीको मूल्य भने केही बढेको छ । अघिल्लो दिनको तुलनामा प्रतितोला २५ रुपैयाँले बढेर आज प्रतितोला १ हजार ३९५ रुपैयाँमा कारोबार भइरहेको छ ।
