अर्घाखाँची । अर्घाखाँचीको मालारानी गाउँपालिकामा एक वृद्धाको हत्या भएको आशंका गरिएको छ। मालारानी गाउँपालिका ९ गोखुङ्गाकी ७२ वर्षिय हरिकला भुसालको मृत अवस्थामा शव फेला परेको हो।
घरमै उहाँको शव फेला परेको र मृत्यु संकास्पद देखिएको जिल्ला प्रहरी कार्यालय अर्घाखाँचीले जनाएको छ। यद्दपी हत्यानै हो भन्ने यकिन भईनसकेको प्रहरी प्रमुख डिएसपी प्रतित सिंह राठोरले बताउनुभयो।
‘वृद्धाको शव फेला परेको छ, उहाँले भन्नुभयो,’ प्रकृती हेर्दा हत्या जस्तो देखिन्छ। अनुसन्धान पछी पुष्टी हुने नै छ।’ हरिकलाले हिजो मात्र सामाजिक सुरक्षा भत्ता (वृद्धभत्ता) बुझनुभएको थियो । घटना सम्बन्धी अनुसन्धान भईरहेको प्रहरीले जनाएको छ।
