काठमाडौँ । अर्थमन्त्री डा प्रकाशशरण महतले एनसेलको सेयर बिक्रीका विषयमा अहिलेसम्म सरकारलाई जानकारी नभएको बताउनुभएको छ । मंगलबार चितवनमा सञ्चारकर्मीसंग कुरा गर्दै अर्थमन्त्री महतले एनसेलको सेयर बिक्रीका विषयमासूचना लिइरहेको र आधिकारिक रुपमा कुनै जानकारी नभएको बताउनुभएको हो ।
एनसेलको सेयर बिक्रीले पार्ने असरका बारेमा टेलिकमका पदाधिकारीसंग बुझ्ने काम भइरहेको उहाँले बताउनुभयो । त्यस्तै उहाँले मुलुकको अर्थतन्त्र सुधारको बाटोमा अघि बढिरहेको र पूर्ण रुपमा सुधार आउन केहि समय लाग्ने धारणा राखनुभयो । सहजरूपमा कर्जा प्रवाह हुँदा धेरै कर्जा जग्गामा, सेयरबजार र क्रिप्टोमा पनि भित्रीरूपमा गएको जनाउँदै उहाँले त्यसको प्रतिफल आउन ढिला भएको बताउनुभयो । त्यस्र्तै अर्थमन्त्री डा महतले अहिले सरकारले चुरे क्षेत्रको गिट्टी, बालुवा उत्खननका लागि कुनै प्रक्रिया अघि नबढाएको स्पष्ट पार्नुभयो ।
