काठमाडौं। अर्थमन्त्री डा. प्रकाशशरण महतले अर्थतन्त्र सकरात्मक दिशातर्फ अग्रसर रहेको दाबी गरेका छन् । आज (बुधबार) वर्तमान आर्थिक अवस्थाका बारेमा जानकारी दिन आयोजित पत्रकार सम्मेलनलाई सम्बोधन गर्दै उनले अर्थतन्त्र सुधारका लागि सरकारले गरेको पहल सकारात्मक रहेको उनले बताए । समग्रमा अहिले देशका अर्थतन्त्रका सूचकहरु सकारात्मक रहेको उनको भनाइ छ । अर्थतन्त्र सकारात्मक दिशामा रहेको उनले बताए ।
उनले अर्थतन्त्रले निर्णायक मोड लिन्छ भन्ने यथेष्ट आधारहरू देखिएको दाबीसमेत गरेका छन् । आफूले अर्थमन्त्रालय सम्हाल्दाको अवस्था र हालको अवस्थामा निक्कै फरह भएको महतको दाबी छ ।
उनले अर्थतन्त्र सुधारका लागि सरकारले गरेको पहल सकारात्मक रहेको उनले बताए । समग्रमा अहिले देशका अर्थतन्त्रका सूचकहरु सकारात्मक रहेको उनको भनाइ छ । अर्थतन्त्र सकारात्मक दिशामा रहेको उनले बताए ।
‘‘आर्थिक सूचक सकारात्मक भएको छ । अर्थतन्त्र सकारात्मक दिशातर्फ उन्मुख छ । परिणाम देखिन केही समय लाग्छ । मौद्रिक नीतिको समीक्षा पछि शेयर बजार पनि बढेको छ’ । मन्त्री महतले भने
देशको वर्तमान आर्थिक अवस्था र परिणामहरू जानकारी गराउँदै मन्त्री महतले भन्सार महसुलतर्फ करिब १३ प्रतिशत, मूल्य अभिवृद्धि करतर्फ करिब ७.१९ प्रतिशत, आयकरतर्फ करिब १२ प्रतिशत र समग्र कर राजस्वतर्फ ७.५७ प्रतिशत वृद्धिदर कायम रहेको उल्लेख गरेका छन् ।
त्यस्तै, वित्तीय क्षेत्रतर्फ मौद्रिक नीति मार्फत नीतिगत दर, बैंक दर र निक्षेप संकलनको बोलकबोल दर घटाएको र जसबाट ब्याजदर क्रमश घट्दै गएको उनको भनाइ छ । २०८० असोज मसान्तसम्म चालू खाता ५९ अर्ब ले बचतमा रहेको, ९९ अर्बले सोधनान्तर बचतमा रहेको र १२ अर्ब ३३ करोड रहेको तथ्यांक पनि महतले पेश गरेका छन् ।
