काठमाडौँ । अर्थमन्त्री डा. प्रकाशशरण महतले अनुशासन र पारदर्शीका साथ राजस्व बढाउनेतर्फ लाग्न कर्मचारीलाई निर्देशन दिनुभएको छ ।
मंगलबार कपिलवस्तुको कृष्णनगर भन्सार र आन्तरिक राजस्व कार्यालय निरीक्षण गदैँ सर्वसाधारणलाई दुख नदिने र आँखा पनि नचिम्लने गरी अनुशासन र पारदर्शीका साथ राजस्व बढाउनेतर्फ लाग्न कर्मचारीलाई निर्देशन दिनुभएको हो ।
उहाँले को कहाँ के ? जिम्मेवारीमा छ भन्नुभन्दा पनि परिणामका आधारमा मूल्यांकन हुने बताउनुभयो ।
मन्त्री महतले कर्मचारीका जायज माग सरकारले तत्काल सम्बोधन गर्ने तर परिणाम पनि आवश्यक पर्ने धारणा राख्नुभएको छ ।
उहाँले अनुशासन, पारदर्शिताका साथ व्यवसायको यथार्थ मूल्यांकन गरिए राजस्वको लक्ष्य नजिक पुग्न सकिने बताउनुभयो ।
