काठमाडौं । बजेट सार्वजनिक गर्न बोलाईयको संघीय संसद्को दुवै सदनको संयुक्त बैठकको समय सरेको छ ।
यसअघि दिउँसो १ बजे बस्ने भनिएको बैठक ३ बजेका लागि सारिएको संसद् सचिवालयले जनाएको छ । आज सरकारले आगामी आर्थिक वर्षको बजेट घोषणा गर्दैछ ।
सदन बस्नुअघि दिउँसो २ बजे मन्त्रिपरिषद् बैठक बोलाइएको छ । मन्त्रिपरिषद्बाट बजेट पारित गराएर सार्वजनिक गर्ने चलन छ ।
सहकारी प्रकरण छानबिनका लागि बन्ने संसदीय समितको कार्यदेश टुंगाउन केही समय लाग्ने भएपछि बैठक सारिएको हो ।
सत्तापक्ष र प्रतिपक्षीबीच हिजो संसदीय छानबिन समितिको टीओआर टुंग्याउन सहमति भएको थियो । सहमति अनुसार ७ जनाको समति बन्नेछ ।
