काठमाडौँ । नेपाल सरकारका मुख्य सचिव डा.वैकुण्ठ अर्यालले तथ्यांकीय कार्यमा संलग्न निकायहरुबीच प्रभावकारी समन्वय प्रणाली विकास गर्नुपर्ने बताएका छन् ।
बिहीवार राष्ट्रिय तथ्यांक कार्यालयले आयोजना गरेको ‘तथ्यांक प्रणाली विकासका लागि राष्ट्रिय रणनीति उच्चस्तरीय सुझाव संकलन गोष्ठी’ मा उनले यस्तो बताएका हुन् ।
उनले तथ्यांकीय कार्यमा संघ, प्रदेश र स्थानीय सरकारका बिचमा समन्वय हुन नसकेको बताए । उनले तथ्यांक निकाल्दा शुद्ध रूपमा निकाल्नुपर्ने भन्दै तथ्यांक प्रमाणीकरण हुनुपर्नेमा जोड दिए ।
उनले राष्ट्रिय तथ्यांक कार्यालयले निकालेको तथ्यांक र स्थानीय तहले निकालेको तथ्यांक आपसमा नमिलेको भन्दै यसतर्फ सम्बन्धित निकाय सचेत हुनुपर्ने बताए।
