काठमाडौँ । असोज ३ गते संविधान दिवसको अवसर पारेर प्रदर्शनको तयारीमा रहेको फिल्म हो ‘ह्रस्व दीर्घ’।
फिल्मका निर्देशक चन्द्र पन्त हुन् । निर्माण युनिटले आइतबार फिल्मको एक नयाँ पोस्टर समेत सार्वजनिक गरेको छ ।
सार्वजनिक पोस्टरमा हरिहर अधिकारी, कबीर सिंह दुहान, प्रदीप रावत, सुनिल वर्मा र प्रशान्त ताम्राकार लगायत नेपालीदेखि साउथका कलाकारसम्म अटाएका छन् ।
नयाँ पोस्टरले फिल्म प्रति दर्शकलाई उत्साहित जगाउन बलिउड कलाकार समेत राखिएको निर्देशक पन्तले बताए । निता फिल्मस्को प्रस्तुतिमा निर्माण भएको फिल्ममा कार्यकारी निर्माता धनञ्जय गलानी हुन् ।
फिल्ममा नीता ढुंगाना, ब्रह्मानन्दम, अली, सञ्चीता लुइँटेल, बिपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतका कलाकारको अभिनय छ ।
अभिनेता हरिहर अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको फिल्म बलिउडका चर्चित छायाकार कवीरलालले खिचेका हुन् ।
नेपाली, तेलुगु र हिंन्दी गरी तीन भाषामा बन्ने यो फिल्मलाई मनोज राठी र उज्ज्वल पौडेलको व्याङ्कटेस इन्टरटेनमेन्ट वितरण गर्दै छ ।
