काठमाडौँ । गायक एवं सङ्गीतकार टंक बुढाथोकी आफ्नो हिट गीत ‘मन बिनाको धन ठुलो कि, धन बिनाको मन’ शीर्षकमा फिल्म बनाउने भएका छन् । उनले आइतबार चलचित्र विकास बोर्डमा यो नामबाट फिल्म दर्ता गरेका हुन् ।
टंक आफैले निर्माण निर्देशन गर्न लागेको फिल्मको लक्ष्मी गिरी कार्यकारी निर्माता र विनय अधिकारी सह–निर्मातामा छन् । सामाजिक कथामा बन्ने फिल्मबाट बालगायक अशोक दर्जी र एआर बुढाथोकीले अभिनयमा डेब्यु गर्ने भएका छन् ।
यसै फिल्मबाट अर्का व्यक्ति रमेश विक नायकको रूपमा डेब्यु गर्दैछन् । फिल्मको नायिका भने छनोटको चरणमा रहेको निर्देशक बुढाथोकीले बताए । टंककै कथा रहेको फिल्मको पटकथा एवं संवाद शिवम अधिकारीले लेखेका हुन् । तिहार लगत्तै फिल्म छायाङ्कनमा जाने बताइएको छ ।
