काठमाडौं, १० माघ । सहकारी रकम अनियमितता गरेको आरोपको मुद्दामा राष्ट्रिय स्वतन्त्र पार्टी ९रास्वपा० का सभापति रवि लामिछानको जिल्ला अदालत रुपन्देहीमा थुनछेक बहस जारी छ । बुटवलको सुप्रिम सहकारी ठगी प्रकरणमा दायर भएको मुद्दामा बयान दिनका लागि लामिछाने हिजो ९बुधबार० अदालत उपस्थित भएका थिए ।
बुधबार दिनभर न्यायाधीश प्रल्हादकुमार योगीको इजलासमा बयान भएको थियो । आजबाट उनको थुनछेक बहस सुरु भएको छ । थुनछेक बहस सुरु हुनुअघि सरकारी वकिलहरूले न्यायाधीश योगीमाथि प्रश्न उठाएका छन् ।
थुनछेक बहसका लागि अदालतमा उपस्थित गराइएका प्रतिवादीलाई परिवारको जिम्मा लगाएर छाडेको भन्दै सरकारी वकिलले प्रश्न उठाएका हुन् । यो मुद्दामा न्यायाधीश योगीले ‘रिक्युजल’ लिनुपर्ने सरकारी वकिलहरूको तर्क थियो ।
कानुनी भाषामा रिक्युजल भन्नाले ‘मुद्दा हेर्न नमिल्ने घोषणा’ भन्ने अर्थ लाग्छ ।
‘तपाईं ९न्यायाधीश०ले हिजै परिवारको जिम्मा लगाएर छाडेपछि थुनछेकको क्रममा बयान दिन आएको मान्छेलाई त्यसरी छाड्न मिल्दैन,’ इजलासमा थुनछेक बहस सुरु हुनअघि सरकारी वकिलले भने, ‘न्यायाधीशको एक किसिमको मानसिकता देखिइसकेको छ । न्यायाधीशले के आदेश गर्छन् भन्ने यसले प्रतिबिम्बित गर्छ । त्यसकारण श्रीमान्ले यो मुद्दा नहेर्दा राम्रो हुन्छ ।’
सहकारी पीडितका तर्फबाट बहस गर्न इजलासमा पुगेका वरिष्ठ अधिवक्ताहरू डा। सुरेन्द्र भण्डारी र दिनेश त्रिपाठीले पनि सोही कुरा इजलासमक्ष राखेका थिए । प्रतिवादी तर्फका वकिलहरूले भने ‘रिक्युजल’ आवश्यक नभएको जिकिर गरे ।
त्यसपछि न्यायाधीश योगीले आफू मुद्दाबाट पछि नहट्ने अडान लिएपछि थुनछेक बहस सुरु भएको इजलास स्रोतले अनलाइखबरलाई बतायो ।
खाजा ब्रेक सुरु हुनुअघि सरकारी वकिलका ७ जनामध्ये ४ जनाले बहस सकिसकेका छन् । सरकारी वकिलका तर्फबाट अब ३ जनाको बाँकी छ ।
त्यसपछि पीडित र प्रतिवादीका तर्फबाट वकिलहरूले बहस गर्नेछन् । आज रवि लामिछानेको मुद्दा के होला भन्ने सबैका चासो छ र संवभत आजै फैसला आउनेछ ।
