काठमाडौँ । शुक्रवार रिलिज हुने फिल्म ‘होस्टेल ३’ को अग्रिम टिकट बुकिङ खुला भएको छ ।
नेपालकै सबैभन्दा ठुलो मल्टिप्लेक्स चेन क्युएफएक्स फिल्मलाई करिब ८० शो, दोस्रो ठुलो चेन आइएनआइ सिनेमाजले १५ शो तथा वन सिनेमाजले ९ शो, बिग मुभिजले ५ शो र एफक्युब सिनेमाले ५ शो, बिएसआर सिनेमाजले ४ शो दिएको छ । अग्रिम बुकिङ अनुसार शाे थपघट हुनेछ ।
‘होस्टेल’को तेस्रो संस्करणको रुपमा निर्माण भएको फिल्म युवा पुस्तालाई लक्षित छ ।
सशान कँडेलले निर्देशित फिल्ममा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली लगायत रहेका छन् ।
सुरेश कँडेल, कर्ण कार्की, गोविन्द अधिकारी निर्माता र शिशिर ज्ञवाली, अनीश सिग्देल, कुन्दन गुप्ता र गणेश मगर सह निर्माता रहेको फिल्ममा छायाङ्कन अर्जुन तिवारी र सम्पादन विकास दाहालको छ ।
