काठमाडौँ । ‘मिसेस भोग नेपाल–२०२५’की विजेता डा.सुमी मल्लले अन्तर्राष्ट्रिय प्रतियोगिता ‘मिसेस टुरिजम क्विन इन्टरनेशनल–२०२५’ दुई महत्त्वपूर्ण उपाधि जितेकी छिन् ।
बैंककमा आयोजित उक्त कार्यक्रममा उनले ‘मिसेस इन्स्पिरेश्नल’ तथा ‘सेकेन्ड रनर्स अप’को उपाधि जित्न सफल भएकी हुन् ।
काठमाडौँमा आयोजित एक कार्यक्रम डा.मल्लका उपलब्धि सार्वजनिक गरियो । वरिष्ठ दन्त चिकित्सकको रूपमा कार्यरत डा.मल्लले विश्वका विभिन्न २५ देशका प्रतिस्पर्धिहरुसंग प्रतिस्पर्धा गरेर दुई महत्त्वपूर्ण उपाधि जित्न सफल भएको जानकारी दिइन् ।
‘मुख्य उपाधि रसियाकी प्रतिस्पर्धीले जित्नु भयो, त्यो क्षण उहाँको पक्षमा रह्यो, तर नेपाली प्रतिस्पर्धाको रूपमा मैले पनि उत्कृष्ट प्रस्तुति दिन सफल भएँ, मुख्य उपाधि जित्न नसके पनि सेकेन्ड रनर्स अप तथा मिस इन्स्पिरेश्नल (सबैभन्दा प्रेरणादायी)को अवार्ड जित्नु आफैँमा उपलब्धिमूलक रहेको ठानेकी छु’ उनले भनिन् ।
‘मिसेस भोग नेपाल २०२५’ को आयोजक संस्था हाउस अफ फेसन नेपालकी संस्थापक निर्देशक ओशिमा बानुले उक्त प्रतियोगितामा आफूले पठाएको नेपाली प्रतिनिधिले नेपालका लागि दुई महत्त्वपूर्ण उपाधि जित्न सफल हुनु आफ्ना लागि गर्भको कुरो रहेको बताइन् ।
