काठमाडौँ । विवाहपछि प्रेममा कस्तो समर्पण चाहिन्छ भन्ने देखाउने फिल्म हो `काजी´ । फिल्मकाे मंगलबार सार्वजनिक ट्रेलरले पनि यही झलक दिन्छ। ट्रेलरमा फिल्मकाे  पारिवारिक सम्बन्धमा आउने उतारचढावलाई देखाईएकाे पनि छ । विपिन कार्की ‘काजी’ र केकी अधिकारी ‘कजिनी’ पात्रको रूपमा प्रस्तुत छन् । 

रामप्रसाद रिजालको प्रस्तुति रहेको फिल्ममा विपिन र केकीसहित गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउँवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरि, बुद्धी सागर खनाल, प्रशंसा सुवेदी, कृतिका शर्मा र बाल कलाकार दीक्षिता अर्याल लगायतको अभिनय छ ।

रिजाल एण्ड रिजाल प्रोडक्सनको ब्यानरमा निर्माण भएको फिल्मलाई लक्ष्मण रिजालले निर्देशन गरेका हुन् । प्रदीप भारद्धाजको लेखन रहेको फिल्ममा चिन्तन राजभण्डारीको छायांकन, कालिप्रसाद बास्कोटाको संगीत छ ।

नृत्य निर्देशक कविराज गहतरज, सम्पादन सुपरभाइजर बनिश शाह र सम्पादक विपिन मल्ल रहेको फिल्मकाे कार्यकारी निर्मातामा असिम काफ्ले र निर्माता नेहान रिजाल, विकाश राज जोशी छन् । श्रीराम बालाजी फिल्मस्‌ले नेपालभर वितरण गर्नेछ ।