काठमाडौं । जितु नेपालको चलचित्र ‘आई एम जितबहादुर’ बक्सअफिसमा निकै कमजोर देखिएको छ ।
चलचित्र विकास बोर्डको बक्सअफिस रिपोर्टअनुसार ‘आई एम जितबहादुर’ले ३१ लाख सात हजार ग्रसकलेक्सन गरेको छ । यो चलचित्रमा जितु मुख्य भूमिकामा छन् ।
निर्माता पनि उनी स्वयं हुन् । सुभेन्दु घोषले निर्देशन गरेका छन् । जितसँगै प्रियंका कार्की, वर्षा राउतलगायत कलाकार मुख्य भूमिकामा छन् ।
चलचित्र ‘रोल नं १’ले एक करोड ६८ लाख ९५ हजार रुपैयाँ ग्रसकलेक्सन गरेको छ । यो चलचित्रलाई जोन योञ्जनले निर्देशन गरेका छन् ।
चलचित्रमा मुकुन भुसाल, सुशांक मैनाली, रेणु योगी, सिर्जना अधिकारी मुख्य भूमिकामा छन् । चलचित्रको बाल–कलाकारमा निर्भिक रेग्मी, रिन्चेन लामा, संयम कटुवाल र सिजल श्रेष्ठ रहेका छन् ।
चलचित्र ‘लालीबजार’ले नौ करोड ३१ लाख रुपैयाँ ग्रसकलेक्सन गरेको छ । यम थापाले निर्देशन गरेको चलचित्रमा स्वस्तिमा खड्का र रवीन्द्र सिंह बानिया मुख्य भूमिकामा छन् ।
