काठमाडौं । चलचित्र ‘झिंगे दाउ–२’को पहिलो गीत ‘महिमा आमाको’ सार्वजनिक भएको छ ।
सार्वजनिक गीतमा प्रमोद खरेल र मनिषा सुनारको स्वर रहेको हाे। साेही गीतमाडाक्टर कृष्णहरि बरालको शब्द र अर्जुन पोखरेलको संगीत छ । गीतले आमाको महिमाको बयान गरेको हाे । आमा बृद्धाश्रममा बस्नु परेको तीतो यथार्थलाई सिनेमाको यो गीतमा उठान गरिएको छ । गीतले चलचित्रको कथावस्तुको भाव बोकेको निर्माणपक्षले बताएको छ ।
आगामी असोजको २ गतेदेखि सार्वजनिक हुन लागेको चलचित्रको गीतको भिडियोमा अतिथि कलाकारहरु मदनकृष्ण श्रेष्ठ र मिथिला शर्मालाई देख्न सकिन्छ । चलचित्रका मुख्य कलाकारहरू आर्यन सिग्देल, हिउँवाला गौतम, बसुन्धरा भुषाल र चैत्यदेवी सिंह पनि गीतमा फिचरिङ भएका छन् । ज्ञानेन्द्र देउजाको निर्देशनमा तयार भएको चलचित्रमा सुलभ प्रतीक देउजा र समीक्षा देउजाको लगानी छ ।
चलचित्रमा केकी अधिकारी, आँचल शर्मा, महेश त्रिपाठी, कुशल विष्ट, आर्यन सिग्देल, हिउँवाला गौतम, सरोज खनाल, बसुन्धरा भुषाल र चैत्यदेवी सिंह लगायतको अभिनय रहेकाे हाे। परिच्छेद सेनको पटकथा तथा संवाद रहेको चलचित्रमा गोविन्द फुयाल शिशिर चालिसेको लेखन, विवेक बस्नेत र ईश्वर सिंखेमानको छायांकन छ ।
