काठमाडौं । चलचित्र ‘मन विनाको धन–२’मा अभिनेता विपीन कार्की प्रवेश गरेका छन् । टंक बुढाथोकीको कथा तथा निर्देशन रहने चलचित्रमा विपीन अनुबन्ध भएका हुन् ।
यो चलचित्रमा नायिकातर्फ यसअघि नै पूजा शर्मा भित्रिसकेकी छन् । यी दुई कलाकारले पहिलोपटक सहकार्य गर्न लागेका हुन् ।
टंक बुढाथोकी प्रोडक्सनको व्यानरमा निर्माण हुन लागेको यो चलचित्रमा टंक वुढाथोकीको कथा तथा निर्देशन, शिवम् अधिकारीको लेखन छ ।
विपीन र पूजासँगै महेश त्रिपाठी, सरोज खनाल र किरण केसी फाइनल भइसकेका छन् ।
‘मन विनाको धन–२’लाई सामाजिक कथावस्तुमा निर्माण गर्न लागिएको हो ।
