फ्रान्सले समूह चरणदेखि सेमिफाइनलसम्म प्रभावशाली प्रदर्शन गरे पनि अन्तिम चारमा स्पेनसँग २-० ले पराजित भएपछि उपाधि यात्रा टुंगिएको थियो। यद्यपि, एमबाप्पेले आफ्नो उत्कृष्ट प्रदर्शनलाई निरन्तरता दिँदै व्यक्तिगत रूपमा विश्व फुटबलमा नयाँ कीर्तिमान कायम गरे।

यस विश्वकपमा उनले आठ खेलमध्ये छ खेलमा गोल गर्दै १० गोल पूरा गरे। समूह चरणमा नर्वेविरुद्ध र सेमिफाइनलमा स्पेनविरुद्ध मात्र उनी गोल गर्नबाट रोकिएका थिए। यसअघि २०१८ विश्वकपमा चार तथा २०२२ को कतार विश्वकपमा आठ गोल गरेका एमबाप्पेले तीन संस्करणमा २२ खेल खेल्दै २२ गोल पुर्‍याएका छन्।

यो उपलब्धिसँगै उनले अर्जेन्टिनाका महान् कप्तान लियोनल मेसीको विश्वकपमा सर्वाधिक गोलको कीर्तिमान पनि तोडे। मेसीले ३३ खेलमा २१ गोल गरेका थिए भने एमबाप्पेले केवल २२ खेलमै २२ गोल गर्दै नयाँ इतिहास रचे।

सन् २०१८ मा मात्र १९ वर्षको उमेरमा फ्रान्सलाई विश्वकप जिताएका एमबाप्पेले २०२२ मा फाइनलमा अर्जेन्टिनाविरुद्ध ऐतिहासिक ह्याट्रिक गर्दै पनि पेनाल्टी सुटआउटमा हार बेहोरेका थिए। यस पटक २७ वर्षको उमेरमा कप्तानका रूपमा मैदान उत्रिएका उनले टोलीलाई फाइनलसम्म पुर्‍याउन नसके पनि आफ्नो नाम विश्वकप इतिहासका सर्वकालीन महान् गोलकर्तामध्ये एकका रूपमा स्थापित गरेका छन्।