काठमाडौँ । संविधान सभा अध्यक्ष, एमाले उपाध्यक्ष एवं सांसद सुवासचन्द्र नेम्वाङको पार्थिव शरीरलाई एमाले पार्टी कार्यालय च्यासल लगिएको छ ।
शिक्षण अस्पतालमा रहेको नेम्वाङको पार्थिव शरीरलाई आज दिनभर एमाले मुख्यालय च्यासलमा राखिने भएको छ । राजकीय सम्मानसहित उहाँको शव च्यासल लगिएको हो ।
नेम्वाङका जेठा छोरा भोलि साँझ आइपुग्ने र कान्छा छोरा अष्ट्रेलियाबाट आजै मध्यरातिपछि बेलायतबाट नेपाल फर्किने जनाईएको छ । नेम्वाङको राजकीय सम्मानका साथ अन्त्येष्टि गरिने भएको छ । उहाँको अन्तिम संस्कार मुन्धुम संस्कृतिअनुसार पूजाआजा गरेर गरिने भएको छ ।
