काठमाडौं । नेपाली चलचित्र "नाङ्गो गाउँ"को छायांकन कार्य सकिएको छ । दिपेन्द्र थापाको लेखन तथा निर्देशनमा बनेको चलचित्र "नाङ्गो गाउँ"को छायांकन कार्य सकिएको हो ।
काभ्रेको बेथानचोक गाउँपालिकाका विभिन्न स्थानमा छायांकन गरिएको फिल्म ३३ दिनमा सकिएको फिल्म युनिटले जनाएको छ । चलचित्रमा अभिनेता दयाहाङ्ग राई नेताको रुपमा देख्न सकिनेछ ।
मनिषमा फिल्मसको ब्यानरमा निर्माण भएको चलचित्रमा दयाहाङ राई, मिरुना मगर, कर्मा, साम्राज्ञी राज्यलक्ष्मी शाह, शिशिर वाङ्देल, बुद्धि तामाङ, रवीन्द्र झा, विशाल पहाडी, अंकित खड्का, राज थापा, कमलमणि नेपाल, पुष्कर गुरुङ, घनुभाई जोशी, निमा पाण्डे लगायतका कलाकारको अभिनय रहेको छ ।
हिमाल शर्माको प्रस्तुतिमा तयार भएको फिल्ममा जय श्रेष्ठ निर्माताको रूपमा रहेका छन् । त्यस्तै फिल्ममा आलोक शुक्लाको छायांकन, बनिष शाहको सम्पादन रहेको छ । फिल्म ‘नाङ्गो गाउँ’लाई आर.आर फिल्मसले वितरण गर्दैछ ।
