काठमाडौँ । कमल एक्चै मगरको निर्देशनमा फिल्म ‘आलिङ्गन’ निर्माण हुने भएको छ । मगरले आफ्नो नयाँ फिल्मको रुपमा ‘आलिङ्गन’ घोषणा गरेका हुन् ।
मगर निर्देशित पछिल्लो फिल्म ‘डेसान’ गतवर्ष मंसिरमा प्रदर्शनमा आएको थियो । फिल्म प्रदर्शनमा आएको एक वर्षपछि उनले नयाँ फिल्म घोषणा गरेका हुन् । ‘शिरफूल’ मार्फत निर्देशनमा पाइला बढाएका मगरको ‘आलिङ्गन’ तेस्रो फिल्म हो ।
सामाजिक प्रेमकथामा बन्ने ‘आलिङ्गन’ निर्देशक मगरले नै लेखेका हुन् । पटकथा तथा संवाद भने आरुष जंग सारु र कमल एक्चै मगरले मिलेर लेखेका हुन् ।
कृशला मगर कार्यकारी निर्माता रहने फिल्मको चक्र बहादुर महर्जन छायांकन हुन् । परफर्मिंग आर्ट क्रियसनको ब्यानरमा निर्माण हुने फिल्मको कलाकार र प्राविधिक पक्ष निर्माण युनिटले केही समयपछि सार्वजनिक गर्ने जनाएको छ ।
