काठमाडौं । वरिष्ठ लोकगायक प्रेमराज महतले ‘घर हम्रा हुम्ला जुम्लामा’ बोलको गीत आफ्नै युट्युबमार्फत् सार्वजनिक गरेका छन् । महतले आफ्नै शब्द र सङ्गीतमा तयार भएको शुक्रबार आफ्नै युट्युब च्यानल मार्फत् सार्वजनिक गरेका हुन् ।
जुम्लाका विकट पहाडी क्षेत्रमा छायाङ्कन गरिएको गीतमा शान्तिश्री परियारको पनि स्वर सुन्न सकिन्छ । गीतमा महत स्वंयले अभिनय गरेका छन् भने महतसगैँ रीना थापा मगरको अभिनय गरेकी छिन्। प्रेमराजा महतको परिकल्पना र रामजी लामिछानेको कोरियोग्राफी एवम् निर्देशनमा तयार भएको भिडियोको छायाङ्कन मानकृष्ण महर्जनले गरेका छन् । मिराज अर्याल र रिमा फिल्म्सले सम्पादन गरेको भिडियोको रङ्ग संयोजन राजेन्द्र मोक्तानको रहेको छ ।
महतको यसअघि बाँझो खेतमा,हरियो डलर,सिमसिमे पानीमा,हिउँचुलीमा हिँउ,बन्दीपुरैमा लगायतका गीतहरु चर्चित छन् ।
